Davao City – Gikinahanglan gayud nga atong tun-an ang ensaktong inpormasyon aron malikay sa online sexual abuse and exploitation ang mga kabataan ug kababayen-an.
Sumala kang Talikala Inc. Executive Director Jeaneth Ampog, gikinahanglang nasayud kita sa mga privacy settings, ilhon kun unsa ug kinsa ang identity sa ka-chat kung nakaila ka ba, inghon man pagdawat sa mga picture ilabi na kung malaw-ay ug kung mahimo, dili na makig-estorya pa sa dili nimo kaila.
Giklaro usab ni Ampog nga bisan ug walay natigayong physical contact kun aktwal nga pakighilawas, malangkubon sa gihapon ang epekto kun ang damyos niini tungod kay dili na man ma-erase o ma-delete pa ang mga hulagway or recordings ba kaha niadtong mga nahimong biktima.
Nagpahimangno ang Talikala nagdto sa mga ginikanan o kaparyentehan nga nagabugaw sa ilang mga anak ngadto sa mga langyaw pinaagi sa social media nga adunay mga kaso nga atubangon nila sama sa kalapasan sa R.A.7610 ug RA 9775.
RadyoMaN Bernard Pantallon
