Talikala gikaalarma ang laing babae nga biktima sa lugos

Davao City – Gikasubo sa Talikala Incorporated, usa ka government organization nga nagaprotekta sa katungod sa kababainhan, ang paglugos ug pagpatay sa usa ka babayi nga architect sa Calinan, Davao City nga si Vlanche Marie Bragas, 28 anyos.

Sa interbyu sa DXDC RMN Davao kang Jeanette Ampog, Talikala-Davao Executive Director, gikwestyon niini kung nganong taliawala sa balaod nga naghatag og proteksyon sa kababainhan, aduna gihapoy mga krimen nga mahitabo sama sa bag-ohay nga insidente.

Matud ni Ampog nga hagit kini sa concerned government agencies pinaagi sa social workers, mga pulis, lideres sa simbahan, barangay, lakip na social media influencers nga doblehon pa ang pagpaningkamot sa pagpakusog sa pag-edukar sa publiko aron malikayan o mapakgang ang maong panghitabo.

“Kini siya nga panghitabo, dungag ni na wake-up call. Dungag ni nga pagkuhit sa amoa nga we have to do more aron mas masabtan unsa ‘ning pagpanglugos, unsa ‘ning kawalay respeto sa katungod sa babae. Dungag nga hagit nga mubalik mi sa pag-edukar sa komunidad,” matud ni Ampog.

RadyoMaN Kirby Manzon