Giawhag ni Executive Director sa Talikala Inc Janeth Ampog, nga ang kagamhanan nga muhimo na og interbensyon nga adunay ngipon batok sa online sexual exploitation diin ang mga biktima ang mga kabataan sa nasod.
Gitumbok ni Ampog nga angay tutukan sa kagamhanan ang mga programa nga mohatag og proteksyon sa mga kabataan, pagsumpo sa mga kalalakenhan nga dunay dautang intensyon sa kabata-an ilabina ang pagtubag sa ekonomikanhong kahimtang sa matag pamilyang Pilipino diin naglunang sa kapobrehon.
Gisugyot usab sa Talikala nga ipaabot sa kagamhanan ngadto sa kabarangayan ang intervention diin anaa magpuyo ang mga pobreng kabataan sa mga komunidad nga maoy biktima sa nagkataas nga ihap sa kasong sexual exploitation.
Nanghinaot maong organisasyon nga mausab ang tan-aw sa mga kalalakehan nga gikan sa mga nasod nga progresibo sa mga menor de edad nga babaye ug lalake sa Pilipinas dayon mukahuna huna’g tabang ug dili ipaagi sa pag abuso sa mga kabataan.
RadyoMan Erin Lumosbog
