Davao City – Aduna gihapuy natigayong sexual exploitation atol sa COVID-19 pandemic subay sa talaan sa Talikala Inc., sa syudad sa Davao.
Kini ang gisaysay ni Executive Director Jeanette Ampog sa Talikala atol sa interview sa DXDC RMN Davao diin matud pa usa ka kaso sa pagpangabuso sa bata ang natala atol sa quarantine.
“Sa panahon sa quarantine nato from ECQ to GCQ, ang sexual exploitation sa mga kababainhan nagpadayon base sa amoang namonitor. Sa pagpanubay namo sa kadalanan sa Davao nakita namo nga aduna gihapuy mga babae nga nagatambay sa dalan ug duna gihapuy mga lalaki nga mupalit,” segun ni Ampog.
Samtang gikalipay sa Talikala Inc. ang launching sa Child Protection Policy Modules sa dakbayan kinsa usa sila sa mga nitabang sa Department of Education (DepEd) sa pagbansay sa mga personnel alang sa preventive measures kontra pagpangabuso sa kabataan.
RadyoMaN Aimee Guinita
