Duha ang na-angol sa suway na usab nga pagpangrakrak sa Talisay City Jail kaganinang pasado ala una sa kadlawon sa Barangay Maghaway sa maong syudad .
Ang mga taga Bureau of Jail Management and Penology –Talisay nakaigo sa usa sa mga suspek nga nisuway sa pagpangrakrak sa bilangguan .
Sa gihimo nga hot pursuit operation ilang nakompirmar nga usa sa mga suspek nga nailhan sa pangan nga Ricky Tan ug adunay kasong murder ug pagpangawat ang nasamdan ug anaa karon sa usa ka pangpubliko nga ospital sa Cebu City , samtang ang laing mga suspek nadakpan.
Gawas sa nasamdan nga suspek adunay residente , nailhan sa pangan nga si William Alindajao nga napagan sa sinukliay sa pagpamusil .
Nakuha sa mga sakop sa BJMP ang motorsiklo nga gisakyan sa mga suspek ug ang KG9 nga armas .
