Davao City –Makahiagom sa bug-at nga silot ang mga tigpayuhot og ilegal nga droga kung mu-pakita og pagsukol sa mga otoridad.
Ang kamatayon sa ex-convict nga si Rico Ainin Doldolia usa ka dakong mensahe alang sa mga drug pushers nga makatilaw gayod sila sa kamatayon kung musukol sa mga pulis.
Si Doldolia mibunot og pistola dayon pamusil sa mga otoridad dihang iyang namatikdan nga otoridad ang iyang gikatransak sa ilegal nga droga.
Apan abtik nakabalos ang back-up ni PO1 Laura nga si PO1 Leparto diin gisuwayan pa og dala sa SPMC ang suspek apan di malas tungod gideklara kini nga dead on arrival.
Narekober sa kapulisan gikan sa suspek ang usa ka sachet nga shabu, 1000 nga mark money, homemade pistol, ug drug paraphernalia.
Gilusad ang buy-bust operation sa barangay 21-C, Boulevard ning siyudad kagabii.
Si PRO 11 Director Police Chief Superintendent Marcelo Marcelo nagsulti nga notado tulisan ang suspek ug napreso na kini tungod sa kalambigit gihapon sa droga apan nakapiyansa lang.
Giingon ni Morales ang kamatayon ni Doldolia nagpakita lang nga seryoso ang kapulisan sa pagsanta sa pagsulod sa droga dinhi sa rehiyon partikular sa siyudad sa Dabaw.
Busa panawagan sa opisyal ngadto sa mga nalambigit sa ilegal nga kalihukan nga muundang na aron dili makatilaw sa kabangis sa balaod kontra ilegal nga droga.
Gidayeg sa Director ang liderato sa Hepe sa Talomo Pnp nga ni Police Chief Inspector Ronald Lao sa paglimpyo sa mga tawo nga nagsabwag og droga sa iyang area of responsibility.
RadyoMaN Joel Viray
