Davao City – Gitahasan sa Talomo Police Station ang demolition contractor nga kumpletohon ang listahan sa pangalan sa ilang mga trabahante aron mas masubay kung ang nakita’ng kalabira usa ba ka trabahante sa gina-demolish nga NCCC Mall.
Sa ekslusibong interbyu kang Talomo Police Station Chief Insp. Ronald Lao, nagduda ang maong hepe nga usa kini ka trabahante sa shopping mall gani ug nanimuyo gawas sa syudad sa Davao.
Sa gipahigayo’ng closed-door case conference sa Bureau of Fire, Crime Lab sa Scene of tge Crime Operatives (SOCO), Talomo Police Station, Contractors sa NCCC demolition, ug Investigation Detention and Management Branch (IDMB-DCPO), gipangutana ang matag ahensiya human makaplagan ang mga bukog sa tawo diin blanko sa gihapon sila sa identidad sa maong kalabira.
Migula sa autopsy report nga nakasinati og 3rd degree burn ang bukog ug 15 diyas pa kini namatay apan padugta na ang lawas dihang nakita sa mga nag-demolish sa nasunog nga mall.
Hinoon dili pa makumpirma kung gi-unsa pagpatay ang maong biktima.
Dugang sa hepe sa Talomo PNP, walay lain narekober gawas sa sa sul ob niini nga pula nga polo shirt, maong nga pantalon, ug relos nga silver diin kini nag edad sa 25 ngadto sa 35 anyos ug adunay katas-on nga 5’5-5’7.
RadyoMaN Jason Amisola
