Davao City – Gipanghimakak ni Police Chief Insp.Ronald Lao hepe sa kapolisan sa Talomo, ang pasangil sa asawa sa suspek nga nakasinati ug pagpasakit ang iyang bana nga si James Narte samtang gipriso sa kapolisan sa Talomo.
Sa interview sa DXDC RMN Davao, giklaro ni Lao nga wala nila pakuryentehi ang kinatawo niini, pagbutang ug sili sa mata aron lang moangkon sa akusasyon batok kaniya tungod sa paglugos-patay sa 16 anyos nga dalagita sa Bago Gallera, Talomo District syudad sa Davao niadtong nakalabay’ng semana.
Giklaro ni Lao, way rason nga ila kining himoon kang Narte tungod kay bug-at ang mga ebidensya batok kaniya ug napasaka na ang kaso.
Si Narte napusilan-patay sa mga awtoridad kaganinang buntag sulod sa Presinto 3 human sa alegasyong nangilog ug armas sa pulis samtang gipailawom kini sa booking procedures sa kasong isang-at batok kaniya.
RadyoMaN Bernard Pantallon
