Davao City-Gipaklaro sa Talomo Police Station nga legal og dunay lisensya nga gipresenta sa kapulisan ang gwardya nga nakapusil-patay sa usaka vendor niadtong adlaw’ng Sabado, Hulyo 1,2023 sa may Pag-asa Extension, Barangay Matina Aplaya, ning syudad.
Sa interbyu sa DXDC RMN Davao kang Capt. Ronnie Batingal,Deputy Chief sa Talomo Police Station, gibutyag niiini nga lisensyado ang shotgun nga maoy gigamit sa suspek sa pagpusil sa biktima.
Segun ni Batingal, gipresenta mismo sa tag iya sa security agency ang mga papeles sa maong armas ngadto sa Talomo PNP.
“Legal ang gwardya nga naa syay license, tapos ang iyahang baril sa security agency lisensyado pud”, pagpatin-aw ni Batingal.
Kagahapong adlawa, hingpit nang gipasaka ang asunto nga murder batok sa suspetsado nga nailang si Haron Lumanggal Pagagongan nga maoy nakapusil-patay sa biktima nga si Policronio Palmera, Jr., 48 anyos nga naa karon gihaya sa Villa Funeral Homes saToril, ning dakbayan.
RadyoMaN Don Pulayao
Facebook Comments
