Walay nagpa blotter sa pagka missing sa Talomo Police Station sa mga kabanay sa duha ka mga biktima sa pagpang salvage nga sila si Michael Crisologo Tenazas Jr. ug Rodford Uy kinsang nakita ang mga patay nga lawas nga gisulod sa sako sa Maguindanao.
Ang duha ka mga biktima gikataho nga nanimuyo sa Matina Crossing ug Talomo ning dakbayan.
Gihimakak ni Barangay Kapitan Bendor Calamba sa Barangay Talomo nga adunay miduol sa Barangay nga kabanay ni Uy aron itaho ang pagka missing sa biktima.
Gipasuta na usab ni Kapitan Calamba sa iyang mga purok leaders kun kunpirmadong ang biktima nga si Uy residente ba gyud sa Barangay Talomo.
Gisubay usab sa RMN News Team ang residensya sa mga nag apilyedo ug Tenazas sa GSIS Matina apan walay nakaila sa biktimang si Michael Crisologo Tenazas Jr.
Nagpakisusi usab si Kapitan Joel Santes sa Barangay Matina Crossing apan walay pay niabot sa iyang buhatan nga kunpirmasyon nga adunay na missing nga iyang sakop sa Barangay.
RadyoMaN Erin Lumosbog
Facebook Comments
