Davao City – Usa ka sakripisyo ang ipatumang ‘new normal’ sa nasud bisan pa man sa ubang kanasuran gumikan sa hulga nga dala niining COVID-19.
Lantaw ni Adrian Tamayo, head sa Public Relation Division sa Mindanao Development Authority (MinDA), dili tanan andam kun ma-adopt gilayon ang ginatawag nga ‘new normal’ ugaling ipatuman na ang guidelines niini ilabi na dinhi nasud Pilipinas.
Sumala ni Tamayo nga sa pagpatuman niini, adunay kanya-kanyang kontribusyon ang katawhan aron di mukaylap ang virus bisan pa man paluagan na ang pagpaimplementa sa COVID-19 measures.
“Musulod gihapon diha balik mismo didto sa ginatawag nga pamaagi sa pagsunod sa guidelines nga ginahatag sa gobyerno kay kung mas mahatagan og kasigurohan nga ang mga tao mu-perform sa ilahang inadlaw-adlaw nga aktibidades base sa guidelines para di na mukaylap ang virus, then the more likely that this new normal, ma-shorten siya para mubalik ta sa ginatawag nato nga kanhiay nga normal,” segun ni Tamayo.
Dugang niini nga kinahanglan iandam sa new normal og unsaon sa mga mamumuo, magpapatigayon, sa gobyerno nga maka-function gihapon aron magpadayon ang kinatibuk-ang ekonomiya.
Bisan pa man ipatuman ang new normal, sumala ni Tamayo nga kinahanglan gayud sundon ang ginabuhat na karon sama sa pagsuot og masks, physical distancing ug pagpabilin nga healthy aron masigurong makalikay sa COVID-19.
RadyoMaN Renz Barbarona
