Tamayo: Dagkung prayoridad pursigihon

103

Davao City – Dungan sa pagsugat nato sa Bag-ong Tuig 2019, angay tutukan sa matag usa kanato ang mga nag-unang concerns o prayoridad karon sa Pilipinas partikular dinhi sa Mindanao nga wala pa nato makab-ot o ma-realisar sa milabay’ng tuig.

Sa interbyu kang Dr. Adrian Tamayo, spokesperson sa Mindanao Development Authority (MinDA) sa programang ‘Straight to the Point,’ iyang gisugilon nga gikinahanglang ipataas gihapon ang awareness kun kahimatngon nato may kalabutan sa regular threat mugna sa ISIS-inspired groups kinsa sukwahi ang gibarugang tinuhuan or ideolohiya ilawom sa giatwag nga ‘very fluid’ security situation.

Ikaduha, matud ni Tamayo mao ang pagpadayon sa pagpataas sa kahibalo sa mga Dabawenyo sa atong security profile konsiderahon nga ang atong dakbayan matawag na man karon nga ‘new seat of power’ sa nasud gumikan sa election ni Pres. Rodrigo Duterte nga taga-Davao.

“Anything that happens here would have national implication, so isip taga-Davao, gikinahanglan nato nga magmabinantayon,” sumala ni Tamayo.

Dugang nga hagit sa propesor nga angay kitang maningkamot ug makigkoordinar kanunay sa kapulisan ug kasundaluhan may kalambigitan sa kahusay ug kalinaw dinhi sa atong kaugalingong lugar taliwala sa pagpatuman sa extended Martial Law sa Mindanao sa 2019 sanglit ang kalampusan niini maggikan man gayud sa suporta sa matag usa kanato.

“Atong bantayanan pod karon nga tuig tungod kay i-raise ang ante sa gobyerno. Kung unsa ‘tong nasugdan sa 2018, maoy ipadayon sa 2019, ‘ gisugilon ni Tamayo.

Gawas niini, nagpahimangno usab si Tamayo sa katawhan batok sa mga ‘spoilers of peace’ ilabi na nga karong Enero 21, ipahigayon na ang plebisito diha sa mga teritoryo nga sakop sa naaprubahang Organic Law for the Bangsamoro in the Autonomous Region in Muslim Mindanao (OLBARMM) ingon man usab ang pagpahigayon sa midterm elections karong May 13 ning tuiga.

RadyoMaN Jason Amisola

Facebook Comments