Davao City – Dako ang impact sa gipatumang Tax Reform for Acceleration and Inclusion (TRAIN) law sa panginabuhian natong Pilipino.
Mao kini ang panlantaw karon ni Dr. Adrian Tamayo sa University of Mindanao-Institute of Popular Opinion (UM-IPO) sa pakighinabi kaniya sa programang ‘Straight to the Point’ diin siya miingon nga nidako ang kapasidad sa kada household nga adunay trabaho samtang dili direktang makabenepisyo sa TRAIN law ang mga walay trabaho.
“There would be adjustment later on because income should adjust to the lifestyle of the household,” segun ni Tamayo.
Dugang sa UM-IPO director for quantitative studies, tungod sa ‘cost push’ maong na-ekspiryensya nato ang increase sa mga palaliton nga epekto usab sa ‘inflation’.
“Naay mga spikes in the increases tungod kay mao pa man gud ang epekto sa ilang winter maong namalit sila og daghan ug naapektohan dayon ta pero dili nagpasabot nga TRAIN law ni siya, epekto gyud ni sya sa movement sa kinatibuk-an.”
RadyoMaN Jason Amisola
