Davao City-Adunay pipila ka mga hinungdan kun ngano nga niubos ang trust rating ni Pres Rodrigo Duterte diha sa latest SWS survey usa na ang bag-ohay lang nahitabo nga mga insidenteng pagpamatay sa mga batan-on diha sa war on drugs.
Mao kini ang opinyon ni Dr. Adrian Tamayo , executive director sa Institute of Popular Opinion (IPO) sa University of Mindanao atol sa pakighinabi kaniya sa DXDC RMN Davao.
Gidugang ni Tamayo nga pananglitan dali lamang makakuha og simpatiya sa katawhan ang mga pamilya sa hitabong EJKs.
Lain pang hinungdan sa pag ubos sa trust rating ni Duterte mao ang nagpadayong gubat karon sa Marawi diin nag sige og ka extend ang petsa kung kanus a mahuman ang kagubot sa maong lugar.
Gitataw ni Tamayo nga normal ra usab nga muubos ang ‘trust rating’ sa mga presidente atol sa ilang ikaduhang tuig gumikan nagpasabot kini nga kadaghanan sa katawhan nagasubay gayod sa mga aksyon sa mga nangulo sa atong nasud.
Dugang ni Tamayo nga ang pag ubos sa trust rating ni Duterte gikan sa ‘very good’ ngadto sa ‘good’ dili ‘alarming’ gani adunay pagtuon nga pipila ka mga Pilipino nisalig sa atong gobyerno.
Base sa latest Pulse Asia survey, nabatonan sa presidente ang 80% nga ‘high majority approval ratings’ nga sukwahi kini nga resulta sa SWS survey.
Ang mga poll survey nga gipahigayon karon sa nasod nagagamit sa ‘scientific method’ pinaagi sa research makonsidera nga reliable gumikan aduna kiniy ginasunod nga ‘research ethics’ matod ni Tamayo.
RadyoMan Abi Bibera
