Davao City – Arestado sa buybust operation sa PDEA XI, CIDG XI ug Sta Maria Municipal Police Station ang usa ka tambay nga gisuspetsahang tigpayuhot ug iligal nga droga.
Ang suspek mao si Jestoni Guihapon, 39 anyos, walay trabaho nagpuyo sa Poblacion Sta. Maria Davao Occidental.
Nadakpan ang suspek alas 6:15 sa kagabhion sa mga otoridad diin napalitan ug mga pinaugang dahon sa marijuana.
Nakuha gikan sa dinakpan ang 1,000 pesos nga buybust money ingun man ang duha ka pack sa pina ugang dahon sa marijuana.
Detinado ang suspek karon sa Sta. Maria MPS samtang ang kasong kalapasan sa R.A 9165 giandam aron ipasaka sa piskaliya.
RadyoMaN Erin Lumosbog
Facebook Comments
