South Cotabato–Gikumperma ni Police Major Joseph Foro, Hepe sa Tampakan PNP nga sa kasamtangan wala pa silay nadawat nga report gikan sa mga kandidato sa May 13 Election nga adunay nangilkil kanila nga miyembro sa NPA.
Sa kasamtangan sumala pa hapsay ug malinawon ang election period sa ilang area of responsibility.
Kung duna may mga kagubot, kini ginagmay lang nga gikalambigitan sa mga supporters sa mga kandidato nga nag inawayay kay buot mudaug ang tagsa nila ka mga gisuportahang kandidato.
Giangkon ni Major Foro nga aduna silay mga nadawat nga txt Message nga sumala pa adunay presensya sa NPA sa usa ka lugar apan dihang ilang givalidate-negatibo nag report.
Gani nakig-alayon usab sila sa mga opisyal sa matag barangay sa lungsod aron sutaon kung may namonitor ba silang presensya sa NPA apan migula nga negatibo.
Tungod niini kampante si Foro nga nagpabiling malinawon ang ilang lugar ug ilang paningkamutan nga kini magpadayon hangtud nga mahuman ang election.
