Davao City – Namatikdan karon ni Barangay Tamugan Kagawad Juanito Ayog, wala na’y nagadayo aron mangaligo sa Tamugan River, sukad nabaniog nga gamay ug hinay na ang dagayday sa tubig sa sapa karong panahona.
Segun ni Kagawad Ayog, lahi ra kaayo kaniadto dihang bastante pa ang ilang sapa sa tubig dili lang mga residente ang ganahan maligo, apan gikan usab sa laing lugar nga mutuyo lang og dayo aron maligo sa tin-aw’ng nga tubig sa maong sapa.
Gikontra sa maong Kagawad, ang gihatag nga rason sa Apo Agua nga epekto sa El Niño ang rason sa pagkahubas, sanglit dugay na nga panahon wala makasinati sa pagkahubas sa tubig sa maong sapa, luyo sa mga daghanan nang huwaw nga nasinatian sa nasod.
RadyoMaN Joel Viray
Facebook Comments
