Gimandoan ni City Director Police Col. Hendy Dampal, ang iyang tanang police key official sa Cagayan de Oro City Police Office kon cocpo, nga ilang suportahan ang contact tracing nga gilunsad sa City health office sa kabarangayan ning syudad.
Kini ang gibutyag ni Police Major Evan Viñas nga spokesman sa cocpo, dugang sa iyang pag-ingon, nga gipasiguo ni Dampal sa iyang tanang police station Commanders, nga dili madiskarel ang contact trace sa CHO, aron dili na mo-grabi ang pagtakod takod sa corona virus ning syudad.
Lakip sa mando ni Dampal sa iyang mga key officials, nga kanunay mag-igmat human ilang nadawat sa cocpo gikan sa intelligence reports, nga mo-ataki ang mga ginsakpan sa New People’s Army kon NPA, sa mga government facilities, tali-wala niining hulga sa corona Virus.
Matud ni Viñas, nga gipasiguro ni Dampal sa tanang police official sa Cagayan de Oro nga ipalig-on ang ilang defense mode, aron dili maka-score ug dili maka-arte ang mga sakop sa NPA.
