BACOLOD CITY – Nagdesisyon si Former Councilor kag Tangub PB Noli Villarosa nga magbiya sa Grupo Progreso bangud suno sa iya, indi supportive ang partido sa iya.
Suno kay Villarosa nga na-disgusto siya bangud nga wala gid sang may nahatag nga proyekto ang ciudad sang Bacolod humalin sang ini siya ang nagpungko bilang punong barangay sang Brgy. Tangub.
Ginaklaro sang konsehal nga ang iya desisyon wala nagakahulugan nga may gina-endorse ini nga partikular nga kandidatu.
Pahayag pa sang konsehal nga ginahatagan man niya sang kahilwayan freewill ang iya mga supporters kag pumuluyo sang barangay kon sin-o ang kandidatu nga ila sini pili-on para sa palaabuton nga eleksyon.
Sa pihak nga bahin, wala naman ginpalayag ni Villarosa kon bala sa diin ini siya nga partido magasaylo.
