Davao City – Patay ang usa ka barangay tanod human gibunalan gamit ang kahoy nahitabo alas 3:20 sa hapon natigayon didto sa Purok 3 Brgy. Lampiyanao Calinan district siyudad sa Davao.
Subay sa blotter gikan sa Calinan PNP, ang biktima usa ka Jaime Gedirusad, 50 anyos, samtang ang suspek naila sa pangalang Darwin Burcia, 20 anyos, pareho nagpuyo sa nasampit nga lugar.
Sa imbestigasyon nga gilusad ni Police Officer 2 Dan Rey Callo, imbestigador sa Calinan PNP, ang motibo sa pagpatay mao ang pagdumot sa suspek ngadto sa biktima.
Matud pa sa inahan sa suspek, buot unta nga mulayas ang suspetsado padulong sa Panabo City human niya nga napatay ang biktima apan wala kini pamasahe hinungdan nga nakahukom nalang kagahapon ang suspek nga bulontaryong mutahan sa iyang kaugalingon.
Balhug na karon ang suspetsado sa Calinan PNP ug gihikay na sa kapulisan ang kasong pagpatay didto sa korte.
RadyoMaN Don Pulayao
