BACOLOD CITY – Igo sa buli ang isa ka Barangay Tanod matapos nga gintiro sang pulis sang namutikan nga may bitbit ini nga armas.
Nakilala ang suspek kay Jade Villapa, sang Barangay 35.
Natabo ang insedente mga las 4:15 kahapon sang kaagahon sa Purok Maghiliugyon.
Suno sa panaysayon PO3 Elmer Antonio, assigned sa BCPO Mobile Police Unit nga manugpuli na sya sakay sa iya motorsiklo sang iya nasiplatan nga may isa ka lalaki nga nagalakat kag may uyat nga shotgun.
Ginpalapitan niya ini kag nagpakilala nga pulis. Imbes nga magrasun, gilayon nga gintaya ni Villapa ang iya shotgun kay Antonio nga amu naman ang rasun kon ngaa nakapalupok sya gamit ang iya .9mm service firearm kag naigo ang buli.
Sang naigo, si Antonio man mismo ang nagdala ky Villapa sa ospital sa diin ginturn-over sini sa Station No. 1 ang recoveries nga shotgun kag bala.
