Patay ang Brgy. Tanod sang Sitio Bulacan East, Brgy. Luca sa banwa sang Ajuy, Iloilo matapos ginluthang sang wala makilal-an nga lalaki.
Ala 1:20 kahapon sang hapon sang natabo ang insidente kon sa diin, ginkilala ang biktima nga si Brgy. Tanod Rodolfo Graciano, legal ang edad kag residente sang nasambit nga lugar.
Ginpahayag ni PSI John Val Luspo sang Ajuy MPS nga nagalakat ang biktima upod sang lima ka-tuig sini nga apo, sang gintiro sang wala pa makilal-an nga suspek nga naka-sakay sa motorsiklo.
Gilayon man nga nagpalagyo ang suspek pagkatapos sang krimen samtang nakadalagan naman palayo ang lima sini ka-tuig nga apo nga hilway sa insidente.
Palaligban pa karon sa kapulisan ang motibo sang krimen kasunod sang panaysayon sang mga nakakilala sa biktima nga mabuot kag wala man ini sang kontra sa ila barangay.
