Sa interview sa DXDC RMN Davao kang Moises Dumape, kapitan sa Barangay Basiawan, iyang gibutyag nga ang biktima nga 40 anyos, pag-umangkon ra sa naarestong suspect nga anaa na sa 60 anyos nga usa ka tanod ug pangulo sa liturhiya.
Gisaysay sa kapitan nga samtang naglugit og lubi sa pugon ang suspect ug iyang asawa, mitabang sab niadtong tungora ang biktima nga iyahang pag-umangkon. Sa dihang sila nalang duha ang nahibilin, didto na matud pa gihimoan og dili maayo ang biktima.
“Iyahang asawa (ang biktima) nabilin diha sulod sa moskit. Nisulod daw sa moskit (ang suspect), iyahang gigakos. Unya nihangyo daw og bisa’g kaisa lang. Mao ‘to nilugnot ang babae, gisikhan siya. Niambak ang babae sa pugon,” saysay ni Dumape.
Nasayrang ang inahan sa biktima, nabiktima sab sa pagpanglugos dayon gipatay ug gihulong sa pangpang niadtong Enero 2024, diin dunay pagduda ang mga residente basin duna say kalabutan ang suspect sa maong krimen. Padayon ang gihimong imbestigasyon sa kapulisan sa insidente.
RadyoMaN Kirby Manzon
