Tanod ya cuji con un pescador tiene shabu

8

Calaboso ahora el un pescador despues ya cuji conele na possession el dos tanod de Rio Hondo tiene onse paquete de shabu na Hongkong, Rio Hondo del Miercoles por la noche.
Con el pescador ya conose como si Sammah Bismin Muin, 21, casao de Sitio Buggok, Rio Hondo.
Ya cuji con Muin amo canda Nasser y Valentin Malik del mencionao lugar.
Asegun na report del pulis tan conduici roving patrol canda Malik cuando ya columbra estos con Muin sintao na fuente de palo y tiene cosa ta agara.
Cuando ya verifica estos, ya puede gole que shabu el cosa na mano di Muin.
POrcausa con este ya tene que agara canda Malik con Muin y ya puede pa estos encontra otro 10 paquete de shabu que suma total onse paquete ya recobri na su possession.
Con Muin dayun ya entrega na estacion del pulis.

Facebook Comments

From Advertisers