Taong grasa nasapwan patay sa sidewalk, posibli may balatian

103

BREAKING – Bangkay sang isa ka lalaki nasapwan may mga las 6:30 sini gid lamang nga aga sa gwa sang Libertad Public Market.

Ginabulubanta nga naga edad sang 30 tubtub 40 anyos ang amo nga lalaki, nagataas sang kapin 5’3, may tattoo nga lima ka tudlo sa iya tuo nga butkon, nagasoksok sang pula nga t-shirt, itom nga pantalon kag may jacket.

Suno sa mga tawo sa amo nga lugar, ang biktima ang pirme makita sa amo nga area kag nagapalaboy-laboy.

Wala sang may nakita nga pilas ukon ano man nga patimaan sa lawas sang biktima nga amo ang gintunaan sang iya kamatayon.

Samtang, may pila ka mga tawo nga nagsiling nga katapusan nakita ang biktima las 9 kagab-i upod ang kaangay niya nga nagapangayo-kayo.

Apang sang mga pasado las 10 na sang gab-i, naga-isahanon na lamang ang biktima ang nakita nila ini nga ginalampos-lampos niya sa salog ang iya ulo.

Facebook Comments