Susubukan ng Gilas Pilipinas na tapusin sa pamamagitan ng panalo ang huling window ng FIBA World Cup Qualifiers.
Mamaya, magtutuos ang Gilas at ang Jordan alas-6:00 ng gabi sa Philippine Arena.
Noong Biyernes, unang tinalo ng Gilas ang Lebanon na nagtapos sa score na 107-96 sa pangunguna ni Justin Brownlee na may 17 points, 4 rebounds at 5 assists.
Pero kahit ano ang resulta ng laban mamaya ay sigurado na ang paglalaro natin sa World Cup lalo na’t isa tayo sa host sa darating na Agosto.
Sa ngayon, 6-3 ang kartada ng Gilas na nasa group e habang 5-4 naman ang Jordan at 7-2 ang Lebanon.
Sa huling pagtatapat ng Gilas at Jordan ay tinalo natin sila sa kanilang sariling homecourt na nagtapos sa score na 74-67.
Facebook Comments
