Tapaz, Capiz – Ginareklamo sang pila ka mga concern citizens sa banwa sang Tapaz ang pila ka mga katapo sang Tapaz Security Force ukon TSF. Suno sa mga nagareklamo,luyag nila tukod maklaruhan kun ano ang matuod nga function kag limitasyon sang nasambit nga grupo.
Nagapamangkot man ang mga ini kun bala, may yara sang pahanugot nagikan sa PNP kag DILG ang pagtukod sang TSF. Pila sa mga reklamo nga ginpalab-ot sang mga concern citizens nga nagabitbit sang armas luthang ang mga katapo sang TSF nga nagahatag sang kakugmat sa pila ka mga residente.
Magluwas diri, nagapatigayon man ang mga ini sang checkpoints apisar nga wala ang presensya sang mga kapulisan. Nahibaluan nga kadam-an sa mga miyembro sini ang mga anay tanod sa barangay samtang ang iban ang anay CAFGU members.
Bantayan ang pagpa-athag ni Tapaz Mayor Roberto Nonong Palomar.
