Roxas City, Capiz- Direktiba na gid lamang ni City Mayor Alan Celino ang ginahulat para sa liwat nga pagbukas sang Dinggoy Roxas Civic Center.
Ini matapos nga halos tapos na ang tanan nga mga ginapatigayon nga renovation partikular ang mga comfort rooms, basketball court, badminton court, mga lightings kag iban pa.
Suno kay Project Engineer Erwin Loyola, nga sa subong ginapatigayon na lamang ang pagpinta sa badminton court kag iban pa nga pagkumpuni sa sound system. Samtang nakumpleto naman ang pag-obra sang floorings nga himo sa hardwood.
Sa mahibaluan nga medyo naulihi ang pagkatapos sang amu nga proyekto bangud nga na-delay ang pag-abot sang electronic scoreboard kag basketball rim nga ginbakal pa sa luwas sang pungsod.
Facebook Comments
