Nisurrender na sa mga tinugyanan sa balaud si kanhi Barangay Captain Tarcisio Barros sa Libona Bukidnon kaganiha sa buntag tulo ka adlaw human kini naka ikyas sa pag aresto sa otoridad.
Si Barros nitahan sa iyang kaugalingon pinaagi kang Libona Mayor Leonardo Genesis Calingasan kaganiha sa alas 10 sa buntag.
Wala madugay gidala kini sa buhatan sa CIDG – Northen Mindanao, sulod sa Camp Evangelista Patag, Cagayan de Oro City alang sa tukmang imbestigasyon.
Gikaingong nisurrender si Barros sa mga opisyales sa maong dapit aron masiguro ang kaluwasan niini. Gusto pod niining makita ang iyang asawa nga apil nga agi aresto sa kapolisan.
Mahinumduman nga ang asawas ni ini nga si Cherry Barros mao ang kasamtangang Kapitana sa Kinawe ug ang mga sakop nini sa balay nalakip pag-aresto humang gi serve ang search warrant nga para unta kang Tarcisio Barros.
Samdan ang tulo ka mga sundalo ug ubay-ubay nga mga armas, Granada ug mga himan sa paghimo ug bomba ang nabawi sa otoridad sa mga suspetsado sa maong insidente
Samtang sa imbestigasyon sa otoridad nasayran nga nalambigit si Barros sa pagmina ug treasure hunting sa maong dapit.
Gi imbestigahan usab ang labutan niini sa organisadong grupo nga Kuratong Baleleng sa Misamis Occidental.
Sa karon napasaka na ang mga kasong direct assault, frustrated murder, frustrated homicide ug violations of Republic Acts 10591 and 9516 kon illegal possession of firearms, ammunition and explosives batok sa mga suspect.
Gituohang dunay anting-anting sa Barros nga gika ingong nakapahimo kaniya nga dili madutlan sa bala.
Unsay ikasulti nimo niini idol?
