Target nga madeklarar nga drug-cleared ang Roxas City sa bulan sang Disyembre, malabo pa suno sa hepe sang pulis!

32

Roxas City, Capiz – Pagatinguhaan sang mga katapo sang kapulisan kag local government unit(LGU) sang syudad nga madeklarar nga drug-cleared ang Roxas City dangat ang bulan sang Disyembre.
Ini sa pihak nga anum pa gid lamang gikan sa 47 ka mga barangay sa syudad ang nadeklarar nga hilway na sa druga matapos ang ginpatigayon nga deliberasyon sang Regional Oversight Committee.
Ginsiling sang hepe sang Roxas City PNP nga si Lt Col Ricardo Jomuad nga base sa ila monitoring halos 60- porsyento sang mga drug personalities nga nadakpan nga nag-avail sang plea bargaining agreement ang liwat nga nag-sulod sa pagbaligya sang ilegal nga druga.
Bangud sini, aminado si Jomuad nga tuman ka budlay para sa ila nga makuha ang nasambitan nga target nga madeklarar nga drug-cleared ang Roxas City sa bulan sang Disyembre.
Sa pihak sini, padayon sa gihapon ang ila nga assessment kag pagpakig-angut sa mga kabarangayan lakip ang Barangay Anti-Drug Abuse Council(BDAC).
photo(c)- PIA Capiz

Facebook Comments