Target personality patay sa buy-bust operation sa Polomolok, South Cotabato.

Patay sa ginpatigayon nga buy-bust operation sa Prk. Pag-asa, Barangay Cannery Site, Polomolok, South Cotabato alas 9:20 sang aga sang Disyembre 29,2020 sang gintingob nga pwersa sang Polomolok MPS, RID 12, SCPMFC 2ND COY kag Intel Operatives halin sa 5th SFBN sa koordinasyon sang PDEA12.
Ginkilala ang target suspect kay Noel Pasican Bagco, 50-anyos, may-asawa kag residente sang Prk 1. Brgy. Sumbakil, Polomolok, South Cotabato.
Base sa report sang Polomolok MPS sang namutikan sang suspek nga ang katransaksyon sini ang polis gilayon sini nga gintiro ang police poseur buyer rason nga nagbalos man ang tropa.
Gindala naman sa Polomolok Municipal Hospital ang suspek, apang gindeklarar ini nga dead on arrival sang attending physician.
Narekober naman sa natabuan sang insidente ang 3 ka fired cartridge case sang alleged caliber 9mm; 1 ka unit sang Cal.38 revolver kag lima ka live ammos sang cal. 38; motorsiklo, sling bag nga may unod nga P500.00 buy-bust money; 4 ka heat sealed transparent cellophane nga may unod nga shabu.
Samtang nagalab-ot naman sa more or less 2 ka gramo ang kabug-aton sang narekober nga illegal drugs nga nagakantidad sa P6, 860.00.
Sa imbestigasyon sang Polomolok MPS ang suspek ang lakip sa IDID list kag spotter/supporter sang Daulah Islamiyah (DI)-SOCSKSARGEN Kha`1tiba.

Facebook Comments