GENERAL SANTOS CITY- Nakasibat sa gipahigayong police operation ang target sa implementasyon sa search warrant niaging adlaw sa Barangay Dadiangas West ning syudad.
Giila sa Regional Police Drug Enforcement Unit ang suspek nga si Elmer Baja, hingkod ang edad og residente sa San Juan, Silway sa Barangay Dadiangas West.
Bitbit sa maong police unit ang search warrant giisyu sa korte apan dihang miabot ang mga pulis sa gipuy-an sa suspek wala kini naabtan.
Apan gilusad gihapon ang pag-raid sa panimalay sa suspek kung asa narekober sa drawer ang plastic container na dunay unod nga gidudahang lima ka pakete sa shabu nagbalor og 5 mil pesos.
Pasakaan gihapon sa kapolisan ang suspek og kaso pagsupak sa Comprehensive Dangerous Drugs Act.
For more info’s and updates, like and share our official facebook account : www.facebook.com/ifm91.9Gensanofficial/
[image: drugs.jpg]
