Target sa Search Operation patay human nisukol

16

General Santos City–Patay ang usa ka target sa search operation batok iligal nga armas nga gilusad sa Matalam Municipal Police Station ug Cotabato provincial Police Office sa Purok 2, Sitio Bliss, Brgy. Manubuan, Matalam, Cotabato ala 1:30 ang takna sa kabuntagon kagahapong adlawa.

Giila ang suspek nga si Jessie Manaa Catayna alyas Jess, 47 anyos, residenti sa nasampit nga lugar.

Sumala ni Police Supt. Aldren Gonzales, Spokesperson sa Police Regional Office 12 nga mingsukol ang suspek mao nga napugos ang kapulisan nga kini pabuthan nga hinungdan sa iyang kamatayon.

Dugang pagbutyag ni Police Supt. Gonzales nga nadala pa sa ospital ang biktima apan gideklara kining dead on arrival.

Narekober sa panimalay sa suspek ang kalibre 45 nga armas, usa ka hand grenade, 2 ka sachet sa gituohang shabu ug mga bala.

Samtang narekober usab ang usaka fired cartridge sa kalibre 45, ug 22 ka fired cartridge sa sa caliber 5.56 nga pusil.

Facebook Comments