General Santos City—sikop sa operatiba sa Philippine Drug Enforcement Agency (PDEA) regional Office 12 ang target Listed sa PDEA-ARMM sa gihimong buybust operation sa may Purok PC area, Barangay Pag-asa, Kalamansig, Sultan Kudarat.
Nasikop ang suspetsadong si Danilo Mallari y Academia, 47, minyo, residenti sa Brgy. Poblacion, Kalamansig, Sultan Kudarat, human kining napalitan ug (1) ka sachet nga gamit ang P500.00 nga buy-bust money.
Nakumpiska usab sa posisyon sa nahisgutan ang laing 5 ka sachets sa gikatahapang shabu nga anaa sa (8) ka gramo ang timbang nga nagkantidad ug P40,000.00.
Sumala sa report sa PDEA sagad sa iligal nga transaksyon sa nahisgutan sa area sa Magundanao ug mga kasigbot nga lungsod nga sakop sa ARMM.
Kasong kalapasan sa Sec. 5 (Sale of Dangerous Drugs) ug Section 11 (Possession of Dangerous Drugs), sa Article II ilawom sa Comprehensive Dangerous Drugs Act of 2002 ang ipasang-at batok sa suspetsado kansa balhog na karon sa silda sa PDEA-regional office-12.
