Davao City – Supak ang grupong Victims of Injustice, Criminality and Terrorism sa pamahayag ni Pres. Rodrigo Duterte nga dili niya buot hatagan og COVID-19 vaccine ang mga drug personalities.
Matud ni Group Convener Arthur Tariman, responsibilidad sa gobyerno ang pagprotekta sa iyang katawhan apil na ang drug personalities gikan sa COVID pandemic pinaagi sa paghatag og bakuna ngadto kanila.
Segun ni Tariman, kon ang kagamhanan nagplano sa paghatag og bakuna ngadto sa mga NPA, walay rason nga dili labuton ang adik ug pusher sanglit managsama ra man sila sa mata sa balaud ug sa katilingban.
Gibarugan ni Tariman nga bisan ang mga nakapaslak sa presohan nga nahikawan sa kagawasan sama sa nga nagpayuhot ug gahithit og droga may katungod sa programa sa gobyerno sama sa COVID-19 vaccine.
Dugang ni Tariman, tawo usab ang mga adik, mga pushers kon mga kriminal, busa may katungod silang mabuhi sa kalibutan pinaagi sa paghatag og bakuna kontra COVID pinasikad sa balaud sa nasud.
RadyoMaN Joel Viray
