Davao City – Hangtud walay malatag nga ibidinsiya nga magpatuod nga gituyo sa tsina ang pagkatag sa 2019 corona virus disease kon COVID-19 sa tibuok kalibutan, walay igong legalidad ang mga kanasuran aron mangayo og danyos sa kadaot nga gimugna sa pandemic sa ekonomiya ug sa panginabuhian sa mga nasud sa kali-butan.
Matud ni Citizen’s Action Focal Person Arthur Tariman nga gikinahanglan pabarugon una nga dili lang hangtud teyoriya apan may lama sa kamatooran ang theory conspiracy nga gipagawas sa ubang nasud ug mga indibidwal nga giplano sa tsina ang pagsabwag sa covid-19 aron madaot ang ekonomiya parti-kular sa mga gamhanang nasud nga ilang kakumpitinsiya sa natad sa negosyo ug sa iggu-gubat kay hang-tud dili kini mapamatud-an walay rason aron mangayo og bayad sa kadaot ang kanasuran nga na-igo sa virus karon.
Alang kang Tariman, ang bugtong sala nga nabuhat sa gobyerno sa tsina mao ang pagtago ug wala pag-sulti sa tinuod nga mikatag na diay ang virus ug nilibo na ang natakbuyan ug namatay sa virus sa pipila ka lugar sud lamang sa pila ka semana ug gawas niana wala na’y laing sayop ug atraso nga nahimo sa higan-teng nasyon sa ubang silingigang mga dapit sa kalibutan.
RadyoMaN Joel Viray
