Niyanig ng tatlong malalakas na lindol ang Tarragona, Davao Oriental.
Sa datos ng Philippine Institute of Volcanology and Seismology (PHIVOLCS), alas 11:42 kagabi nang unang maramdaman ang magnitude 5.1 na lindol sa layong 219 kilometro timog-silangan ng bayan ng Tarragona.
Tectonic ang pinagmulan ng lindol na may lalim na 1 kilometro.
Kaninang alas-4:17 ng madaling araw, mas malakas na magnitude 5.3 ang tumama sa Tarragona na sinundan ulit ng magnitude 5.1 kaninang alas-4:28 ng madaling araw.
Wala pang naiulat na pinsala dahil sa lindol pero inaasahan ang mga aftershocks.
Facebook Comments
