Davao City – Nasayran sa Task Force Davao nga adunay mga dalan sa syudad nga nagsilbing by pass o getaway road aron makalikay sa inspeksyon sa tulo ka mga major checkpoints sa dakbayan.
Busa aron dili kini mapahimuslan aron himoong lutsanan o agianan sa mga adunay planong dautan gimuntaran kini og mga dugang detachments sa kasundaluhan.
Matud ni Task Force Davao Commander Col. Darren Comia, nag-establisar og military detachments sa Malagos, Eden ug Mahayag aron sa pagpalapad pa sa seguridad sa Davao City.
Gibutyag ni Comia, sukad nga nabutang ang maong mga detachments daghan ng nadakpan ang mga personahe sa Task Force Davao tungod sa mga kontrabando sama sa pagsulay og pagsulod og illegal nga droga, illegal nga pagdala’g armas ug ning bag-ohay lang usa ka Top Most Wanted Municipal Level sa kasong rape ug child abuse ang nadakpan sa Malagos Checkpoint.
“Nagugulat sila, and as to its effectiveness of course makikita naman natin sa status o sa data na karamihan sa nahuhuli dito sa Southern portion, I’m talking of Toril area ay andoon sa may Eden. Iyong halos ibang nagba-by pass din galing Northwestern portion na Bukidnon and North Cotabato side they are using the Gumalang Malagos road. That’s why very effective siya to check iyong border control points natin,” matud ni Comia.
Samtang aron sa pagpahugot pa usab sa seguridad sa border sa Davao City sa kasikbit nga lugar sa Tagpuri ug Kiotoy sa Panabo City, Davao del Norte adunay mga nakabantay nga mga sundalo.
RadyoMaN Aimee Guinita
