Davao City – Gipreparahan sa Task Force Davao ang seguridad para sa posibleng himuong mga lihok protesta sa mga militanteng pundok sa ika-33 nga kasumaran sa Edsa People Power Revolution karong Pebrero 25.
Sa interbyu sa RMN Davao kang Task Force Davao Commander Col. Nolasco Mempin nga respetuhon nila ang katungod sa maong mga protesters ug ipatuman nila ang maximum torelance sa himuong mga rally.
Pahimangno lamang ni Mempin ngadto sa mga progresibong pundok nga mamahimo silang makapasibaw sa ilahang mulo sa mga designated areas sama sa Freedom Park ug siguraduhong dili sila maka-cause of traffic sa mga kadalanan.
Gibutyag ni Mempin nga hugot nilang bantayan nga walay mga minors ilabina mga lumad nga bata ang pahimuslan sa maong grupo labaw na kung wala kiniy pagtugot sa mga ginikanan.
Sa pikas bahin, sumala ni Kilusang Mayo Uno (KMU) Southern Mindanao Secretary General Karlo Olalo nga gikatakdang hisgutan pa nila ang himuong mga aktibidad sa atol sa anibersaryo sa EDSA People Power.
RadyoMaN Aimee Guinita
