NEGROS OCCIDENTAL – Nagpapanaug sang direktiba si Negros Occidental Governor Alfredo MaranoƱ Jr. nga magtukod sang isa ka task force nga amo ang magadihon sang counter-terrorism scheme sang probinsya.
Ini ang pagatawgon nga ‘Task Force Buglas’ kag pagapamunuan mismo sang head sang Provincial and Planning Development Officer nga si Marlin Sanogal.
Suno kay Sanogal ang ‘Task Force Buglas’ ang pagalakipan sang mga representante halin sa PNP, Army subong man mga Local Government Units ukon LGUs.
Katuyuan sang task force nga makahimo counter-insurgency campaign bangud sang sitwasyon karon sa rehiyon sang Mindanao particular sa Marawi City.
Sa pihak nga bahin, wala labot sini, may patigayunon man nga Anti-Terrorism Security Summit sa Bacolod City sining maabot nga bulan sang Hulyo.
May imbitado nga mga resource persons lakip na ang isa ka obispo nga magatalakay sang sitwasyon sang mga Muslim sa Mindanao kag para maghatag kasanagan angut sa terorismo.
