Gimando na ni Misamis Oriental Gov. Bambi Emano ang pagmugna sa Task Force Zapanta nga maoy motutok sa imbestigasyon, aron mahatagan og kasulbaran ug hustisya, angkamatayon ni Kapitan Alfredo Zapanta sa Barangay Danao, sa Jasaan, Misamis Oriental,niadtong Hulyo 13.
Kung kahinumduman nga sayo sa buntag dihang kalit nga giduol ug gipusil sa duha ka wala mailang armadong lalaki ang 53 anyos nga biktima samtang nagpakaon sa iyang mga binuhing baboy luyo sa iyang balay.
Matud pa ni Chief Inspector Rogelio Labor, hepe sa Jasaan Municipal Police Station, nga nahinabi nila ang pipila ka mga silingang saksi ug nasayran nga miabot nga nagbaklay lang ang duha ka mga suspek, kinsa kalit nga mipusil sa kapitan.
Nagbaklay ra usab ang duha dihang mipalayo apan pag-abot sa unahan, mga 400 metros ang gilay-on, misakay kini’g motorsiklo nga naghulat kanila.
Si Zapanta bag-ong napili nga kapitan, human makumpleto ang iyang tulo ka termino sapagka Barangay Kagawad.
Gitakda unta kini niadtong Biyernes nga makigtagbo kang Emano kauban ang ubang mga kapitan sa Jasaan nga supporter sa partido sa gobernador nga PaDayon Pilipino.
Dala ang pagkondena sa pagpatay kang Zapanta, gawas sa mugnaong task force, gimando usab ni Emano ngadto sa Sangguniang Panlalawigan sa Misamis Oriental ang paghatag kaniya og utoridad nga makagahin og kantidad nga ihatag isip reward niadtong makahatag og impormasyon aron mailhan ug masikop ang mga suspek. (Divina M. Suson )
| | Virus-free. www.avast.com |
