Gilusad na sa militar, sa PNP ug sa Commission on Elections ang Task Force Piniliay, nga maoy modumala sa eleksiyon sa Lanao del Norte ug sa Iligan City.
Matud pa ni Col. Alex Aduca, ang task force commander, partikular nga tutukan niini ang seguridad sa publiko ug sa mga magtrabaho sa eleksiyon, sama sa mga magtutudlo, mga volunteers ug mga botante.
Magsugod ang hugot nga pagbantay niini karong adlawa, diin sugdan na usab ang deployment sa tropa ngadto sa nagkalain-laing dapit sa probinsiya sa Lanao del Norte ug sa Iligan City.
Lakip na niini ang pagpahugot sa mga Comelec ug sa mga Martial Law checkpoints.
Bu-ot ipasabot, adunay mga higayon nga dili lang plain view ang buhaton sa mga checkpoints apan mangukay usab sila sulod sa mga sakyanan.
Random, matud pa, kini nga buhaton sa pulis ug sa army nga magbantay.
