DEC. 14, 2011 – Merkoles, adlaw sa pagpananumpa sa 23-ka mga Senador sa may alas 4:00 pasado sa hapon isip mga sakop sa Impeachment Court human nga formal gidawat ang 77-ka mga pahina nga impeachment case batok ni Chief Justice Renato Corona sa Supreme Court.
• Si Senae President Juan Ponce Enrile maoy mamahimong presiding officer sa Impeachment Court diin nauyonan ang Resolution No.1 nga naghatag sa kasugon sa pagluwat sa mga summons subay sa Article of Impeachment.
• Article XI Section 3 sa Constitution nag-ingon nga ang bugtong may gahum sa paghatag ug hokum sa tanang kaso sa impeachment mao ang balay sa Senado
• Si CJ Corona gimandoan sa pagtubag sa Articles of Impeachment nga walay nay lugway sulod sa napulo (10) ka mga adlaw.
• Gimandoan usab si Corona sa pagpakita sa may alas 2:00 sa hapon sumala sa gitakda nga panahon (karong adlawa, Deciembre 15, 2011)
• Si Ma. Valentina Cruz, Senate legal counsel maoy gitudlo nga tigpamaba kung spokesperson sa impeachment process, diin ang Senado gipaabot nga moluwat sa summons karong adlawa (Deciembre 14, 2011)
• Ang ihap sa pagluwat sa summons sulod sa napulo (10) ka mga adlaw sugod sa Viernes (Deciembre 16, 2011 ug gipaabot nga matapos kini hangtod sa adlaw sa Pasko, Deciembre 25, 2011.
• Human nga si Corona makasang-at sa iyang tubag, ang House Prosecutors (Senado) gihatagan sa lima (5) ka mga adlaw sa pagtubag.
• Ang impeachment proceedings, husay sa maong kaso magsugod na kung ang Senado mobalik sa ilang session karong Enero 12.
• Ang Senado mo-suspendir sa mga gimbuhaton isip magbabalaod aron paghatag sa agianan sa impeachment process.
• Apan, sumala sa pamahayag ni Senate President Juan Ponce Enrile, gitakda na ang pagsugod sa impeachment hearing sa Enero 16, 2012.
• Tanan mga 24-ka Senador migawas gikan sa ilang mga tagsa-tagsa ka buhatan lapas alas 4:00 sa hapon aron mosulod sa ilang session hall kagahapon (Deciembre 15, 2011) diin gidala ang selyo sa senado nga gisundan dayon sa Senate President ug mga senador.
• Isip labing bata sa Senado (Benjamin of the House) isip sakop sa, si Senador Antonio Trillanes IV mipanumpa ni Enrile, ug human kaniya misunod na dayon ang tanan sa pagpanumpa ang mga Senador isip mga Maghuhukum.
• Ang mga Senador nanumpa isip “magpahigayon sa walay pabor-pabor nga kaangayan subay sa
• Batakang Balaod ug mga balaod sa Pilipinas (“do impartial justice according to the Constitution and laws of the Philippines.”)
• Si Lito Lapid lamang ug bugtong senador nga high school graduate, apan miingon nga andam siya moatubang sa iyang mga kaakohan atol sa husay. Matod niya, iyang tun-an ang mga pamaagi sa husay uban sa tabang sa mga abogado.
• Ang impeachment ni Corona ikaduha kini nga mapahigayon sa nasud sa Pilipinas human mahitabo ang impeachment triaql ni kanhi Presidente Jose Estrada sa ulahing bahin sa 2000 ug natapos sa sayong bahin sa 2001.
• Matod Senate Minority Leader Alan Peter Cayetano ang impeachment case batok ni Corona nga kinahanglan panalipdan pag-ayo sa House prosecutors (gilangkoban sa mga piniling mga prosecutors nga mga Congressmen aron makumbinsir (madani, convince) ang 16 ka mga sakop nga senador aron sa pag-convict kang Corona.
• Si CJ Corona giakusahan sa pagpanalipod sa mga interest sa kanhi Presidente, GMA ilawom sa 19 ka mga panghukum (rulings) nga gipakanaug sa labawng hukmanan.
