OCT 27, 2015 – Lunes, emergency meeting sa mga sakop sa national council sa PDP Laban kung Partido Democratico Pilipino – Lakas ng Bayan didto sa Manila aron sa pagtuki ug pagpalig-on sa kandidatura ni Bubot Diño, isip official candidate sa pagka-Presidente ilawom sa naasoyng Partido.
Bunga niini adunay unanimous approval sa iyang kandidatura pinaagi sa Resolution No.1.nga nagdeklarar kaniya nga official PDP Laban Presidential candidate.
Pagkasunod adlaw, Okbure 28, 2015 nauyonan na usab ang Resolution No. 2, nga kung sa higayon nga si Diño moatras sa iyang kandidatura, si City Mayor Rodrigo Roa Duterte sa Davao City mahimong substitute presidential candidate sa PDP Laban. Ug niini si Duterte andam unya sa maong mahitabo nga substitute candidate agad sa kabubot-on sa maong partido.
Ang national council sa PDP Laban gisakpan sa tanang mga Regional Presidents ug Secretary Generals sa tibuok rehiyon sa Pilipinas ug mga PDP LABAN national officials.
