TRIVIA (CHRISTMAS SEASONS) Pasko – Dugang pagsaulog dinhi sa Pilipinas-22 Ang pasko maoy usa sa mga pipila lamang ka panahon sa usa ka tuig kansang mga katawhan sa kalibutan magsaulog.
Ang tibuok Kristohanong katilingban magsaulog sa pasko bisan pa man ngani adunay mga nasud nga gagmay ra ang mga Kristiyanos magsaulog gihapon sa pasko gumikan kay apektado man usab sila sa maong kalihokan.
Ang mga Filipino mao gayod ang labing daghan ug fans kung magsaulog na sa pasko ang hisgutan.
Kita mga Filipino maoy kugihan sa tibuok kalibutan nga magsaulog sa pasko sa pagkatawo sa Ginoo. Alang kanato mga Filipino, maoy labing espesyal nga panahon.
Panahon sa pakighugoy-hugoy sa mga suod natong mga higala, mga kabanayan ug uban pa natong mga minahal sa kinabuhi. Panahon kini sa paghatag ug mga pinaskohan o’ gasa ug makabusdik nga bangkete. Panahon usab sa pagpasaylo ug panaghiuli, reconciliation.
Mao na seguro kining giingong nga panahon sa pasko, ang atong mga kontra o’ kaaway atong amigohon, ug pagkahuman sa pasko, puwede na usab natong awayon. Pangutana: Asa man diay ang atong pagka-Christian?.
Atong isalindot ang mga karaan natong kahigwaos, mga pagdumot, mga kaligutgot sa atong mga silingan ug pagbag-o sa pagsiunoray. Matod pa, ang mga Filipino dili mahimo kung wala ang Christmas.
