TATAPYASAN | Bigtime rollback sa presyo ng petrolyo, epektibo na ngayong araw

Manila, Philippines – Magkakaroon ng bawas sa presyo ngayong araw sa produktong petrolyo ng ilang kompanya ng langis.

Nasa P1.15 ang itatapyas sa kada litro ng gasolina, P0.90 sa kada litro ng diesel, at P0.85 sa kada litro ng kerosene.

Ayon kay Energy Assistant Secretary Bodie Pulido, posible namang matapyasan ulit sa susunod na linggo ang presyo ng petrolyo sa bansa.

Ito ay matapos aniyang magpasya ang Organization of the Petroleum Exporting Countries (OPEC) noong nakaraang weekend na dagdagan ang produksyon ng langis.