Nasawi ang isang 27-anyos na lalaki mula Culasi, Antique habang ng masuwerte namang nakaligtas ang kanyang 6-anyos na anak matapos malunod sa isang ilog habang nangingisda.
Ayon sa report ng Culasi Police, nasa ilog ang biktimang si John Vincent Filaro kasama ang anak noong Sabado nang bigla raw rumagasa ang tubig kaya tinangay ang dalawa.
Nasawi ang tatay pero nasagip ang anak nito na ngayo’y nagpapagaling na sa ospital.
Natagpuan naman ng rumesponde na Provincial Disaster Risk Reduction and Management Office ng Antique ang bangkay ng biktima noong Linggo.
Samantala, pinaalalahanan naman ng awtoridad ang mga residente na iwasan muna ang maligo sa ilog habang ipinatutupad ang quarantine sa lalawigan ng Antique.
Facebook Comments
