Tatlo ka kaso sang firecracker-related injuries narekord sa South Cotabato bag-o ang pagsugata sang bag-ng tuig.

Nakarekord na sang tatlo ka kaso sang firecracker-related injuries ang South Cotabato base sa datos sang Provincial Epidemiology and Surveillance Unit (PESU) sang Disyembre 29.
Ang nasambit nga numero ang manubo sang 25 % kumparar sang nagligad nga tuig sa kapareho nga period.
Halin naman sa syudad sang Koronadal, Polomolok kag Lake Sebu ang kas sang firecracker related injuries sa probinsya.
Nagaedad naman sa 8, 11 kag 18 –anyos ang mga biktima nga lunsay mga lalaki kag duha sa mga ini ang direkta nga nagkapot sang fircracker/firework.
Samtang ang klase sang palupok nga nakabiktima amo ang Boga , Five Star nga pareho ginakabig illegal firecracker kag kwitis.
Nakaangkon naman sang paso nga wala sang amputation ang mga biktima.
Wala naman sang nareport nga patay tungod sa firecracker injury kag insidente sang stray bullet.
May-angot sini,apela ni South Cotabato Provincial Health Officer Dr. Rogelio Aturdido Jr. sa mga pumuluyo nga sugataon ang bag-ong tuig nga luwas sa anuman nga disgrasya.
Facebook Comments