Ginlupot sa karsel sang Arevalo PNP ang tatlo ka lalaki nga nagpakilala mga miyembro sang Philippine Marines kag nagpanggamo sa beach resort sa Distrito sang Arevalo.
Sa imbestigasyon sang Arevalo PNP, naghalin pa kuno sa Marawi ang mga suspek apang natukiban nga lunsay man lamang gali mga security guards.
Ginkilala ang mga arestado nga sanday Leopoldo Gepez Jr., 39-anyos sang Brgy. Rizal Pala Pala II,City Proper, Reymark Licatan,23-anyos sang Lambunao kag Carl Anthony Herrera,28-anyos sang banwa sang Balasan.
Gin-ako ni Gepez nga naka-inom siya apang iya ginpanginwala nga nanggamo sila sa lugar.
Narecover man kay Gepez ang isa ka sachet sang suspected shabu .(sspunay)
Facebook Comments
