Roxas City, Capiz – Yara na sa kustodiya sang mga otoridad ang tatlo ka mga persona nga nadakpan sa ginkasa nga buy bust operation sa Block 14, Jumaguicjic Ville, Barangay Jumaguicjic, Roxas City. Ginkilala ang mga suspek nga sanday Kirtnell Recibe y Datar, 25-anyos kag Michael Abilibit y Lagayada, 35-anyos tumandok sang Brgy Baybay apang nagapuyo na sa Jumaguicjicville samtang arestado man si Nemecio Lagayada y Flaga, 45-anyos sang Barangay Punta Tabuc, Roxas City. Kabug-osan nga pito ka sachet nga may unod sang suspected shabu ang narekober sang mga otoridad sa mga ini kun sa diin ang isa diri ang may yara sang dako nga unod(bulto). Maluwas diri, nakuha man sa ila paghinakop ang isa ka unit sang .45 caliber pistol nga pusil, lima ka mga bala, P1, 000 pesos nga cash, digital weighing scale kag iban pa nga drug paraphernalias. Ginabanta nga nagalab-ot sa P500, 000 pesos ang estimated street value sang narekober nga druga! Ang amo nga operasyon ang natigayon sa bulig sang ginhugpong nga pwersa sang PDEA-Capiz kag Provincial Drug Enforcement Unit(PDEU) sang Capiz PPO.
